ისრაელის არმიამ ლიბანის ქალაქი ღაზიე დაბომბა, რომელიც საზღვრიდან 30 კილომეტრში მდებარეობს. ამის შესახებ ინფორმაციას ისრაელური მედია Times of Israel ავრცელებს.

ქვეყნის სამხედრო სპიკერის განცხადებით, ისრაელის მიერ გაშვებული რაკეტა ირანის მიერ მხარდაჭერილი დაჯგუფების "ჰეზბოლას" იარაღის საცავს მოხვდა.

მსხვერპლის ან დაშავებულების შესახებ ინფორმაცია, ამ დროისთვის, არ გავრცელებულა.