რუსი ოპოზიციონერის, ალექსეი ნავალნის მეუღლემ, იულია ნავალნაიამ ევროკავშირს მოუწოდა, რომ მარტში რუსეთში დაგეგმლინი არჩევნები არ აღიაროს. ამის შესახებ ინფორმაციას სააგენტო Reuters-ი ავრცელებს.

როგორც ნავალნაია აღნიშნავს, პრეზიდენტი, რომელმაც მოკლა თავისი პოლიტიკური ოპონენტი, არ შეიძლება იყოს ლეგიტიმური.

„არ აღიაროთ ეს არჩევნები. პრეზიდენტი, რომელმაც მოკლა თავისი პოლიტიკური ოპონენტი, არ შეიძლება იყოს ლეგიტიმური“, - განაცხადა ნავალნის მეუღლემ.

შეგახსენებთ, რომ 16 თებერვალს, რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.