უკრაინამ კიდევ ერთი Cy-34-ის ტიპის რუსული ავიაგამანადგურებელი ჩამოაგდო. 

ამის შესახებ ინფორმაციას უკრაინის საჰაერო ძალების სარდალი მიკოლა ოლეშჩუკი Telegram-ზე ავრცელებს.

"მინუს კიდევ ერთი Cy-34 აღმოსავლეთის მიმართულებით. გუშინ, რუსმა პილოტებმა მოახერხეს ჩვენი რაკეტებისთვის თავის არიდება, მაგრამ ეს ყოველთვის ასე არ იქნება! ამიტომ, ოკუპანტებს ვურჩევ, ყოველი ფრენის წინ, ყოველი შემთხვევისთვის, ახლობლები მოინახულონ, რადგან ვინ იცის, ამჯერად გაუმართლებთ თუ არა",- წერს ოლეშჩუკი სოციალურ ქსელში.