გუშინ პარიზში ჩვენ შევთანხმდით, რომ უკრაინისთვის ყველამ უფრო მეტი უნდა გააკეთოს, - ამის შესახებ გერმანიის კანცლერი ოლაფ შოლცი სოციალურ ქსელ X-ზე წერს.

როგორც შოლცი აღნიშნავს, უკრაინაში ევროპის ქვეყნებიდან და ნატოდან სახმელეთო ჯარები არ გაიგზავნება.

„გუშინ პარიზში ჩვენ შევთანხმდით, რომ ყველამ უფრო მეტი უნდა გააკეთოს უკრაინისთვის. მათ სჭირდებათ იარაღი, საბრძოლო მასალა და საჰაერო თავდაცვა. ჩვენ ამაზე ვმუშაობთ. ერთი რამ ცხადია, რომ სახმელეთო ჯარები ევროპის ქვეყნებიდან და ნატოდან არ იქნება“, - წერს შოლცი.