მოსკოვში დღეს დილით, Novaya Gazeta-ს მთავარი რედაქტორი, სერგეი სოკოლოვი დააკავეს. აღნიშნულ ინფორმაციას Novaya Gazeta საკუთარ ვებგვერდზე ავრცელებს.

როგორც მედიასაშუალება წერს, სოკოლოვი განყოფილებაში გადაიყვანეს და მის წინააღმდეგ რუსული არმიის „დისკრედიტაციისთვის“ ადმინისტრაციული ოქმი შედგა.

"სოკოლოვს შესაძლოა 50 ათას რუბლამდე ჯარიმის გადახდა დაეკისროს.საქმეს პეროვსკის სასამართლო განიხილავს, თუმცა სხდომის დრო ჯერჯერობით უცნობია", - ნათქვამია გავრცელებულ ინფორმაციაში.