ირანში მე-12 მოწვევის პარლამენტის არჩევნები მიმდინარეობს. ამის შესახებ ინფორმაციას გერმანული მედიასაშუალება Deutsche Welle ავრცელებს.

საარჩევნო უბნები ადგილობრივი დროით 08:00 საათზე გაიხსნა და 18:00 საათისთვის დაიხურება. არსებული ინფორმაციით, 290-მანდატიან პარლამენტში ადგილების მოსაპოვებლად 15 200 კანდიდატი იბრძვის.

ირანში პრეზიდენტობის, დეპუტატობისა და ექსპერტთა ასამბლეის წევრობის მსურველი პირები კანდიდატებად მეურვეთა საბჭომ უნდა დაამტკიცოს, რომელიც სასულიერო პირებისა და იურისტებისგან შემდგარი ორგანოა, რომელთაც, თავის მხრივ, სულიერი ლიდერი აიათოლა ალი ხამენეი ნიშნავს.