რუსი ოპოზიციონერის, ალექსეი ნავალნის დაკრძალვის დღეს, რუსეთის 20 ქალაქში, სულ მცირე, 106 ადამიანი დააკავეს. ამის შესახებ ინფორმაციას რუსული უფლებადამცველი პორტალი OVD-Info ავრცელებს.

მათივე ცნობითმოსკოვში, სადაც რუსი ოპოზიციონერის დაკრძალვის ცერემონიალი გაიმართა, მინიმუმ 14 აქტივისტი დააკავეს, ნოვოსიბირსკში - დაკავებულია 20 პირი, ომსკში - 15,  ეკატერინბურგში კი 10.

ასევე დაკავებების სერია იყო ყაზანში, ვორონეჟში, ასტრახანში, ნიჟნი ნოვგოროდში, მურმანსკში, ჩელიაბინსკში, სანქტ-პეტერბურგსა და სხვა ქალაქებში.

ცნობისთვის, რუსი ოპოზიციონერი ალექსეი ნავალნი მოსკოვში, ბორისოვსკის სასაფლაოზე დაკრძალეს.