პოლონეთი გეგმავს, ევროკავშირს სანქციების დაწესება სთხოვოს რუსეთისა და ბელარუსის სოფლის მეურნეობის პროდუქტებზე, - ამის შესახებ პოლონეთის პრემიერ-მინისტრმა, დონალდ ტუსკმა განაცხადა.

როგორც ტუსკი აღნიშნავს,  ევროკავშირის ერთობლივი გადაწყვეტილებები უფრო ეფექტური იქნება, ვიდრე ცალკეული ქვეყნების მიერ შემოღებული ზომები.

„დღეს მე მივმართავ პარლამენტის თავმჯდომარეს რეზოლუციის წინადადებით, რომელიც მოუწოდებს ევროკომისიას, დააწესოს სრული სანქციები რუსეთისა და ბელარუსის სურსათის პროდუქტებზე“, - განაცხადა დონალდ ტუსკმა.