ინდონეზიის დასავლეთით მდებარე სუმატრას პროვინციაში წყალდიდობასა და მეწყერს, სულ მცირე, 19 ადამიანის სიცოცხლე ემსხვერპლა. ამის შესახებ ინფორმაციას Reuters-ი ავრცელებს.

Reuters-ის ცნობით, 7 ადამიანი უგზო-უკვლოდ დაკარგულად მიიჩნევა.

როგორც მედია წერს, სტიქიის ზონიდან ევაკუირებულია 70 000-ზე მეტი ადამიანი.

პროვინციის დედაქალაქსა და რაიონებში დაზიანებულია, დაახლოებით, 700 სახლი, რამდენიმე ხიდი და სკოლა.