რუსეთმა ლიეტუვის, ლატვიისა და ესტონეთის 350-მდე მოქალაქეს ქვეყანაში შესვლა აუკრძალა. შესაბამისი განცხადება თანდართული სიით, რუსეთის დიპლომატიური დეპარტამენტის ვებგვერდზე გამოქვეყნდა.

რუსეთში შესვლა მათ შორის ეკრძალებათ, ლიეტუვის საგარეო საქმეთა მინისტრ გაბრიელიუს ლანდსბერგისსა და ესტონეთის პრემიერ- მინისტრ კაია კალასს.

რუსეთში ვიზიტის აკრძალვის მიზეზი ქვეყნის მიმართ „მტრული დამოკიდებულებაა“.

"ისტორიის გადაწერა, ნაციზმის განდიდება და ბალტიისტების მიერ გატარებული კრიმინალური ხაზი კიევის რეჟიმის იარაღით მომარაგების მიზნით, მოითხოვს საპასუხო ზომებს ამ სისასტიკეებში მონაწილეთა მიმართ", - ნათქვამია რუსეთის საგარეო საქმეთა სამინისტროს განცხადებაში.