დანია უკრაინას 336.6 მილიონი დოლარის (2,3 მილიარდი კრონის) ღირებულების სამხედრო დახმარების ახალ პაკეტს გამოუყოფს. ამის შესახებ დანიის თავდაცვის სამინისტრომ განაცხადა.

პაკეტი მოიცავს უკრაინისთვის CAESAR-ის თვითმავალი საარტილერიო დანადგარების და საბრძოლო აღჭურვილობის გადაცემას.

"დახმარების ამ პაკეტით დანია აჩვენებს კიევს და ევროპელ მოკავშირეებს, რომ აქვს ნება და შესაძლებლობა, გააგრძელოს უკრაინის მხარდაჭერა იმდენ ხანს, რამდენიც საჭირო იქნება", - განაცხადა დანიის თავდაცვის მინისტრმა, ტროელს ლუნდ პოულსენმა.