რუსეთის მიერ კრივოი-როგზე მიტანილი იერიშის შედეგად დაღუპულთა რიცხვი 5-მდე გაიზარდა. 

ამის შესახებ ინფორმაციას BBC-ის რუსულენოვანი სამსახური კრივოი-როგის საქალაქო ადმინისტრაციის ხელმძღვანელზე, ალექსანდრ ვილკულზე დაყრდნობით ავრცელებს.

ვილკულის განცხადებით, ნანგრევების გაწმენდისას კიდევ ერთი ცხედარი იპოვეს.

შეგახსენებთ, რუსებმა კრივოი-როგში საცხოვრებელი კორპუსები გუშინ, 12 მარტს დაბომბეს. იერიშის შედეგად ათობით ადამიანი, მათ შორის რამდენიმე ბავშვი დაშავდა.