ევროპარლამენტმა მედიის თავისუფლების აქტი დაამტკიცა, რომელიც ჟურნალისტებისა და მედიის პოლიტიკური ან ეკონომიკური ჩარევისგან დაცვას ითვალისწინებს. აღნიშნული ინფორმაცია ევროპარლამენტის ოფიციალურ ვებგვერდზეა გამოქვეყნებული.

კანონის თანახმად, საზოგადოებრივი მედიის პოლიტიკური მიზნებისთვის გამოყენების თავიდან ასაცილებლად, მათი ლიდერები და გამგეობის წევრები უნდა აირჩეს გამჭვირვალე და არადისკრიმინაციული პროცედურებით საკმარისად ხანგრძლივი ვადით.

მედიის თავისუფლების აქტის თანახმად, მათი გათავისუფლება არ შეიძლება ხელშეკრულების დასრულებამდე, მხოლოდ იმ შემთხვევაში, თუ ჩაითვლება, რომ ისინი აღარ აკმაყოფილებენ პროფესიულ კრიტერიუმებს.

"ახალი რეგულაციით, საზოგადოებრივი მედია უნდა დაფინანსდეს გამჭვირვალე და ობიექტური პროცედურების გამოყენებით, ხოლო დაფინანსება უნდა იყოს მდგრადი და პროგნოზირებადი. ხელისუფლებას აეკრძალება ზეწოლა ჟურნალისტებსა და რედაქტორებზე მათი წყაროების გასამჟღავნებლად, მათ შორის მათი დაკავებით, სანქციებით, ოფისებში ჩხრეკით ან მათ ელექტრონულ მოწყობილობებზე სათვალთვალო პროგრამული უზრუნველყოფის დაყენებით", - ნათქვამია დოკუმენტში.