გერმანია ღაზას სექტორს ჰუმანიტარულ დახმარებას საჰაერო გზით მიაწვდის, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

როგორც პისტორიუსი აღნიშნავს, ღაზას სექტორში მცხოვრებ მოქალაქეებს ყველაზე ელემენტარული საჭიროებებიც არ გააჩნიათ.

"ჩვენ გვსურს ჩვენი წვლილი შევიტანოთ იმისთვის, რომ მათ ჰქონდეთ წვდომა საკვებსა და მედიკამენტებზე", - განაცხადა ბორის პისტორიუსმა.