ნატო-ს გენერალური მდივანი იენს სტოლტენბერგი 17-19 მარტს სომხეთს, აზერბაიჯანსა და საქართველოს ვიზიტით ეწვევა. ამის შესახებ ინფორმაცია ნატოს ოფიციალურ ვებგვერდზე გამოქვეყნდა.

თბილისში იენს სტოლტენბერგი 18 მარტს აზერბაიჯანიდან ჩამოვა და ვიზიტის ფარგლებში შეხვდება საქართველოს პრეზიდენტ სალომე ზურაბიშვილს და პრემიერ-მინისტრ ირაკლი კობახიძეს.

შეხვედრის შემდეგ, იენს სტოლტენბერგი ირაკლი კობახიძესთან ერთად ერთობლივ პრესკონფერენციას გამართავს.