რუსეთის ცენტრალურმა საარჩევნო კომისიამ ოქმების 100% დაითვალა. ამის შესახებ ინფორმაციას რუსული სამთავრობო მედია "რია ნოვოსტი" ავრცელებს.

ცესკოს ცნობით, ხმების დათვლის შემდეგ ვლადიმერ პუტინმა ხმების 87.28 პროცენტი აიღო და დაკავებული თანამდებობა შეინარჩუნა.

დათვლილი ხმების მიხედვით, შედეგები ასე გადანაწილდა :

• მეორე ადგილი - ნიკოლაი ხარიტონოვი (კომუნისტური პარტია) 4.31 პროცენტი
• მესამე ადგილი - ვლადისლავ დავანკოვი (ახალი ხალხი) 3.85 პროცენტი
• მეოთხე ადგილი - ლეონიდ სლუცკი (რუსეთის ლიბერალურ-დემოკრატიული პარტია) 3.20 პროცენტი.

რუსეთის ცენტრალური საარჩევნო კომისია არჩევნების ოფიციალურ შედეგებს 21 მარტს, რიგგარეშე სხდომაზე გამოაცხადებს.