თუ ჩვენ გვინდა მშვიდობა, უნდა მოვემზადოთ ომისთვის,- ამის შესახებ ევროპული საბჭოს პრეზიდენტმა, შარლ მიშელმა განაცხადა. 

მიშელის თქმით, ევროპამ უნდა გააძლიეროს თავისი თავდაცვითი შესაძლებლობები და რუსეთის საფრთხის საპასუხოდ, "ომის ეკონომიკაზე" გადავიდეს.

"თუ ჩვენ არ მივიღებთ ევროკავშირის სწორ პასუხს და არ მივცემთ უკრაინას საკმარის მხარდაჭერას რუსეთის შესაჩერებლად, ჩვენ შემდეგი ვართ. ამიტომ, ჩვენ მზად უნდა ვიყოთ თავდაცვისთვის და გადავიდეთ "ომის ეკონომიკის" რეჟიმში",- თქვა შარლ მიშელმა.