თურქეთში, ტერორისტულ ორგანიზაცია "ისლამურ სახელმწიფოსთან" კავშირის ბრალდებით, 147 პირი დააკავეს. ამის შესახებ ინფორმაციას თურქული მედია ქვეყნის შინაგან საქმეთა მინისტრზე, ალი იერლიკაიაზე დაყრდნობით ავრცელებს.

იერლიკაიას განცხადებით, სპეცოპერაციები ქვეყნის მასშტაბით 30 პროვინციაში ჩატარდა.

მისივე თქმით, დაკავებულთა ერთი ნაწილი სხვადასხვა ქვეყანაში "ისლამური სახელმწიფოს" მხარეს იბრძოდა, მეორე ნაწილი კი ტერორისტულ დაჯგუფებას აფინანსებდა.