უკრაინამ საერთაშორისო სავალუტო ფონდიდან 880 მილიონი დოლარი მიიღო. ამის შესახებ უკრაინის პრემიერმინისტრმა, დენის შმიგალმა განაცხადა.

როგორც დენის შმიგალმა აღნიშნა, უკრაინა პარტნიორების წინაშე ნაკისრი ვალდებულებების წარმატებით შესრულებას აგრძელებს.

„თანხები ხელს შეუწყობს ბიუჯეტის პრიორიტეტული ხარჯების დაფარვას და მაკროფინანსური სტაბილურობის შენარჩუნებას“, - განაცხადა უკრაინის მთავრობის მეთაურმა.