გერმანია უკრაინისთვის Taurus-ების მიწოდებაზე უარს იმიტომ ამბობს, რომ ცდილობს, რუსეთსა და ნატოს შორის პირდაპირი ომი თავიდან აირიდოს. ამის შესახებ გერმანიის კანცლერმა, ოლაფ შოლცმა განაცხადა.

გერმანიის კანცლერის თქმით, გერმანია ევროპის ნებისმიერ ქვეყანაზე მეტად ეხმარება უკრაინას იარაღითა და საბრძოლო მასალებით.

„უკრაინის მტკიცე მხარდაჭერასთან ერთად, ჩემთვის მნიშვნელოვანია ერთი რამ: ჩვენ ყველაფერს გავაკეთებთ, რომ თავიდან ავიცილოთ ომის ესკალაცია. სხვა სიტყვებით რომ ვთქვათ, ავიცილოთ ომი რუსეთსა და ნატო-ს შორის“, - განაცხადა შოლცმა.