უკრაინის საგარეო საქმეთა მინისტრი დმიტრო კულება ნიუ დელიში ინდოეთთან კავშირების გასაძლიერებლად და უკრაინის საკითხების განსახილველად ჩავიდა. ამის შესახებ უკრაინის საგარეო უწყების ხელმძღვანელი სოციალურ ქსელ X-ზე წერს.

როგორც კულება აღნიშნავს, ინდოეთთან თანამშრომლობა მნიშვნელოვანია და უკრაინა განსაკუთრებულ ყურადღებას „მშვიდობის ფორმულას“ მიაქცევს.

„უკრაინა-ინდოეთის თანამშრომლობა მნიშვნელოვანია და ჩვენ გავაძლიერებთ კავშირებს. ვოლოდიმირ ზელენსკისა და ინდოეთის პრემიერ-მინისტრს შორის დიალოგის საფუძველზე, ჩვენ განსაკუთრებულ ყურადღებას მივაქცევთ მშვიდობის ფორმულას“, - წერს კულება.