თურქეთის პრეზიდენტს, რეჯეფ თაიფ ერდოღანსა და ნიდერლანდების პრემიერ-მინისტრს, მარკ რუტეს შორის სატელეფონო საუბარი შედგა. ამის შესახებ ინფორმაციას თურქეთის პრეზიდენტის ადმინისტრაცია ავრცელებს.

მათი ცნობით, მხარეებმა ორმხრივი ურთიერთობები და ნატო-ს ახალი გენერალური მდივნის არჩევის პროცესი განიხილეს.

თურქეთის პრეზიდენტმა ნატოს გენერალური მდივნის კანდიდატს, მარკ რუტეს განუცხადა, რომ ახალი გენერალური მდივანი საუკეთესოდ უნდა ემსახუროს ალიანსის წევრების უსაფრთხოებასა და ინტერესებს ტერორიზმსა და სხვა გამოწვევებთან ბრძოლაში, ასევე უნდა გააძლიეროს ალიანსის ერთიანობა.