თბილისში, ბოჭორმის ქუჩაზე მდებარე მაღაზია "ბეთლგრაუნდის" სასროლეთში მომხდარი აფეთქების შედეგად დაღუპულთა რიცხვი 3-მდე გაიზარდა.

აღნიშნულ ინფორმაციას შინაგან საქმეთა სამინისტროს საგანგებო სიტუაციების მართვის სამსახურში ადასტურებენ.

უწყების ცნობით, ის სამედიცინო დაწესებულებაში გადაყვანის შემდეგ გარდაიცვალა.

შეგახსენებთ, თბილისში, ბოჭორმის ქუჩაზე მდებარე მაღაზია "ბეთლგრაუნდის" სასროლეთში აფეთქება დღეს, 7 აპრილს რამდენიმე საათის წინ მოხდა. დაშავებულია 3 ადამიანი, რომლებიც სამედიცინო დაწესებულებაში არიან გადაყვანილი.

აფეთქების მიზეზი ამ დროისთვის უცნობია.