რუსეთმა ოდესის რეგიონზე სარაკეტო იერიში მიიტანა, - ამის შესახებ ინფორმაციას ოდესის რეგიონული სამხედრო ადმინისტრაციის ხელმძღვანელი ოლეგ კიპერი ავრცელებს.

კიპერის ცნობით, მომხდარი სარაკეტო იერიშის შედეგად, დაიღუპა 4 ადამიანი, მათ შორის 10 წლის ბავშვი.

„რუსების მიერ სარაკეტო თავდასხმის შედეგად ოდესის რეგიონში დაიღუპა ოთხი ადამიანი, მათ შორის ერთი ბავშვი, 10 წლის გოგონა, დაშავდა კიდევ შვიდი, ერთი მძიმე მდგომარეობაშია. მისი ქვედა კიდურები ამპუტირებულია, ექიმები ყველაფერს აკეთებენ დაშავებულების დასახმარებლად“, - განაცხადა კიპერმა.