დედაქალაქში აქცია "არა რუსულ კანონს" მოძრაობა "ჯიუტის" და "დაფიონის" ორგანიზებით კვლავ გრძელდება.

დედაქალაქში შეკრებილმა მოქალაქეებმა რუსთაველის გამზირიდან იუსტიციის სახლამდე მსვლელობა გამართეს, საიდანაც გმირთა მოედნის მიმართულებით განაგრძობენ მარშს.

სტუდენტები და სხვადასხვა სკოლის დამამთავრებელი კლასის მოსწავლეები აცხადებენ, რომ აქცია უნდა გაიმართოს ყველა სახელმწიფო უწყების შენობასთან და პროტესტი არ უნდა შეწყდეს, იქამდე, სანამ მმართველი პარტია "უცხოური გავლენის გამჭირვალობის შესახებ" კანონპროექტს უკან არ გაიწვევს.