"გირჩი - მეტი თავისუფლების" წევრი გელა ხასაია სოციალურ ქსელ “ფეისბუქზე” წერს, რომ მას სასამართლომ 2 600-ლარიანი ჯარიმა დააკისრა. 

ბრალდების მხარის მტკიცებით, გელა ხასაია პოლიციის კორდონის გარღვევას ცდილობდა და სამართალდამცველებს სიტყვიერ შეურაცხყოფას აყენებდა. 

"მიუხედავად ყველაფრისა დამაჯარიმეს 2600 ლარით. სპექტაკლი დასრულებულია", - წერს ხასაია. 

შეგახსენებთ, გელა ხასაია 16 აპრილს, “უცხოური გავლენის გამჭირვალობის შესახებ” კანონპროექტის საწინააღმდეგო აქციაზე დააკავეს.