ისრაელის პრემიერ-მინისტრი ბენიამინ ნეთანიაჰუ ბოლო დროს აშშ-ის უნივერსიტეტებში პალესტინის მხარდამჭერ პროტესტებს ვიდეომიმართვით გამოეხმაურა.

ნეთანიაჰუმ პალესტინის მხარდამჭერი ხალხის პროტესტს ანტისემიტური უწოდა და მოქმედების შეწყვეტისკენ მოუწოდა.

„ანტისემიტურმა ბრბომ წამყვანი უნივერსიტეტები მოიცვა. ისინი ისრაელის განადგურების მოწოდებებით გამოდიან, თავს ესხმიან ებრაელ სტუდენტებსა და ებრაულ ფაკულტეტებს. ეს არის 1930 წელს, გერმანიის უნივერსიტეტებში მომხდარის გამეორება. ეს არასწორია და უნდა შეწყდეს. ეს ცალსახად უნდა იყოს დაგმობილი. მაგრამ ესე არ მომხდარა”, - განაცხადა ნეთანიაჰუმ.