ევროპამ უნდა აჩვენოს, რომ ის აშშ-ის ვასალი არ არის, - ამის შესახებ საფრანგეთის პრეზიდენტმა, ემანუელ მაკრონმა სორბონის უნივერისტეტში სიტყვით გამოსვლისას განაცხადა.

მაკრონის თქმით, ევროპამ უნდა გააძლიეროს თავდაცვის შესაძლებლობები და ევროკავშირი უფრო აქტიური უნდა იყოს გლობალურ ასპარეზზე.

„არსებობს საფრთხე, რომ ევროპა მოკვდეს. ჩვენ არ ვართ სათანადოდ აღჭურვილები საფრთხეებთან საბრძოლველად“, - განაცხადა მაკრონმა.