საქართველოს პრეზიდენტი სალომე ზურაბიშვილი “ქართული ოცნების” მიერ ორგანიზებულ “საყოველთაო სახალხო შეკრებას” ეხმაურება.

ზურაბიშვილმა დღევანდელ აქციას “პუტინის სტილის” უწოდა და აღნიშნა, რომ “საჯარო მოხელეები ავტობუსით თბილისში ჩამოვიდნენ მმართველი პარტიის გადაწყვეტილებებისთვის ტაშის დასაკვრელად”.

"გუშინ, მასობრივი სპონტანური საპროტესტო აქციების მე-15 დღე "რუსული კანონის" წინააღმდეგ და საქართველოს ევროპული მომავლისთვის. დღეს "პუტინის სტილის" აქცია: საჯარო მოხელეები ავტობუსით თბილისში ჩამოვიდნენ მმართველი პარტიის გადაწყვეტილებებისთვის ტაშის დასაკვრელად. ნამდვილი საქართველო თავისუფალი საქართველოა! ევროპული საქართველოა!", - წერს ზურაბიშვილი X-ზე