დროებით ოკუპირებული აფხაზეთის ე.წ. პრეზიდენტმა, ასლან ბჟანიამ ე.წ. საგარეო საქმეთა მინისტრი ინალ არძინბა "თანამდებობიდან" გაათავისუფლა. ამის შესახებ ინფორმაციას "ეხო კავკაზა" ავრცელებს.
როგორც მედია წერს, განკარგულებას ხელი დღეს, 7 მაისს მოეწერა, გათავისუფლების მიზეზი კი, არ დასახელებულა.
ინალ არძინბა ოკუპირებული აფხაზეთის ე.წ. საგარეო საქმეთა მინისტრად 2021 წლის 17 ნოემბერს დაინიშნა. ის "პირველი პრეზიდენტის" ვლადისლავ არძინბას ნათესავია.
