მშვიდობის შესანარჩუნებლად გავაკეთებთ ყველაფერს, თუმცა რუსეთი თუ თავს დაგვესხმება, თავს დავიცავთ, - ამის შესახებ მოლდოვის პრეზიდენტმა, მაია სანდუმ განაცხადა.

სანდუს თქმით, მოლდოვის ხელისუფლებამ მოქალაქეების დასაცავად და მშვიდობის შესანარჩუნებლად ყველაფერი უნდა გააკეთოს.

„ჩვენ გვყავს არმია. გვაქვს თავდაცვის სექტორი და ჩვენ ინვესტიციებს ვაბანდებთ, მაგრამ ჩვენ დიდი იმედი გვაქვს, ეს ომი მალე დასრულდება და ჩვენ შევძლებთ ინვესტიციების დაბანდებას ეკონომიკასა და სხვა სფეროებში, და არ ვიქნებით იმ მდგომარეობაში, რომ იძულებულები ვიქნებით, ფული თავდაცვაში ჩავდოთ“, - განაცხადა მოლდოვის პრეზიდენტმა.