„არა რუსულ რეჟიმს“ - ამ ლოზუნგით დღეს, 8 მაისს პარლამენტთან აქცია გაიმართება. ამის შესახებ ინფორმაციას ახალგაზრდული მოძრაობა „დაფიონი" სოციალურ ქსელში ავრცელებს.

„დაფიონის" ცნობით, აქცია 20:00 საათზე დაიწყება.

„მეგობრებო, ვაგრძელებთ ჩვენს უწყვეთ აქციებს 8 მაისს. ვიკრიბებით პარლამენტის წინ, 8 საათზე, შემდგომ კი ისევ გვექნება ხმაურიანი, ენერგიული, მტკიცე და პატრიოტული მსვლელობა კანონის სრული დაცვით! დღევანდელი მსველობისთვის გიმზადებთ სიურპრიზს, დღეს უფრო მკაფიოდ უნდა გავაგონოთ ჩვენი ხმა ყველას და ყველგან! ყოველდღე უფრო ბევრნი და ერთიანი უნდა ვიყოთ იმიტომ, რომ ერთიან ერს ვერავინ მოერევა! საქართველო ჩვენია და მის დასაცვად ჩვენი ერთიანობაა საჭირო! გელოდებით ყველას, პარლამენტის წინ", - ნათქვამია „დაფიონის" განცხადებაში.