უკრაინის პრეზიდენტი ვოლოდიმირ ზელენსკისა და უნგრეთის პრემიერ-მინისტრ ვიქტორ ორბანს შორის სატელეფონო საუბარი შედგა. ამის შესახებ უკრაინის პრეზიდენტი სოციალურ ქსელ X-ზე წერს.

ზელენსკიმ ორბანი შვეიცარიაში დაგეგმილ მშვიდობის გლობალურ სამიტზე მიიწვია. 

„მე ხაზი გავუსვი უკრაინის დაინტერესებას უნგრეთთან კეთილმეზობლური ურთიერთობებით, ასევე ვაჭრობის, ენერგეტიკისა და ლოგისტიკის სფეროებში თანამშრომლობის განვითარებით“, - წერს ზელენსკი.