"გირჩი TV"-ს თანამშრომელს, გიორგი მოსიაშვილს საკუთარი სახლში მიაკითხა თბილისის კრიმინალურმა პოლიციამ და რუსთავიდან თბილისში გადაიყვანა. ამის შესახებ ინფორმაციას პარტია "გირჩი - მეტი თავისუფლება" ავრცელებს.

პარტიის ცნობით, ზუსტი ადგილი, თუ სად გადაიყვანეს გიორგი მოსიაშვილი ამ დროისთვის უცნობია. 

"დღეს "ოცნების" პროპაგანდისტულმა არხებმა გამოაქვეყნეს დამონტაჟებული ვიდეო მასალა, რომელშიც გიორგი მოსიაშვილის საუბარი არის ფალსიფიცირებული. ამ ვიდეოს ფაბრიკაცია დადასტურდა ფეისბუქის ადმინისტრაციის მიერ ყველა პროპაგანდისტულ არხზე შესაბამისი პოსტების ცრუ ინფორმაციად მონიშვნით", - წერს პარტია "ფეისბუქზე".