ამერიკის შეერთებული შტატების სახელმწიფო მდივანი ენტონი ბლინკენი უკრაინაში ჩავიდა. 

როგორც უკრაინული მედია წერს, ვიზიტი მიზნად უკრაინის მიმართ აშშ-ის სოლიდარობის დემონსტრირებას ისახავს.

"მე დავბრუნდი კიევში, რათა გამოვხატო ჩვენი ურყევი მხარდაჭერა უკრაინის მიმართ, რადგან ისინი იცავენ თავიანთ თავისუფლებას რუსული აგრესიისგან",- წერს ბლინკენი სოციალურ ქსელში.

აღსანიშნავია, რომ ეს აშშ-ის უმაღლესი ოფიციალური პირის პირველი ვიზიტია უკრაინაში მას შემდეგ, რაც შეერთებულმა შტატებმა  უკრაინისთვის გასულ თვეში 61 მილიარდი დოლარის სამხედრო დახმარების პაკეტი დაამტკიცა.