საქართველოს პრეზიდენტმა, სალომე ზურაბიშვილმა უკრაინის პრეზიდენტ ვოლოდიმირ ზელენსკისთან სატელეფონო საუბარი გამართა. ამის შესახებ ზურაბიშვილი სოციალურ ქსელ X-ზე წერს.

როგორც პრეზიდენტი აღნიშნავს, ზელენსკის „სოლიდარობისა და ქართველი ხალხის ურყევი მხარდაჭერისთვის“ მადლობა გადაუხადა.

„მადლობა გადავუხადე პრეზიდენტს სოლიდარობისა და ქართველი ხალხის ურყევი მხარდაჭერისთვის. ჩვენი ერთობლივი მომავალი ევროპაშია!“ - წერს სალომე ზურაბიშვილი.