სოფელ კვირიკეში ფერდობის ჩამოშლის შედეგად ერთი ადამიანი დაიღუპა. ამის შესახებ ინფორმაციას გამოცემა "ბათუმელები" მერიის წარმომადგენელ, ზურაბ ლაზიშვილზე დაყრდნობით ავრცელებს.

მისივე თქმით, დაღუპული 50-წლამდე კაცი სოფელ ხუცუბანში ცხოვრობდა. 

"სანიაღვრეს აკეთებდნენ, მოწყდა ფერდობი და ერთი ადამიანი მოიყოლა. საკმაოდ დიდი მასაა მიწის ჩამოშლილი, ერთი საათი დასჭირდა კაცის ამოყვანას, თუმცა უკვე გარდაცვლილი იყო," - განუცხადა ლაზიშვილმა გამოცემას.