ევროპულმა საბჭომ რუსეთის გაყინული აქტივებიდან მიღებული შემოსავლების უკრაინისთვის გადაცემის გეგმას მხარი დაუჭირა. ამის შესახებ ინფორმაცია ევროკავშირის საბჭოს ოფიციალურ ვებგვერდზე გამოქვეყნდა.

როგორც ინფორმაციაშია აღნიშნული, გაყინული აქტივებიდან მიღებული შემოსავლების მოცულობა ყოველწლიურად, დაახლოებით, 2,5-3 მილიარდ ევროს შეადგენს.

აღნიშნული თანხის 90 პროცენტი უკრაინის სამხედრო მხარდაჭერაზე დაიხარჯება, ხოლო 10 პროცენტი უკრაინაში დაზიანებული ინფრასტრუქტურის აღდგენას მოხმარდება.