პოლიტიკური პარტიების წარმომადგენლები დღეს საქართველოს პრეზიდენტ სალომე ზურაბიშვილის მიერ წარდგენილ "ქართულ ქარტიას" აწერენ ხელს.

ხელმოწერის პროცესი ორბელიანების სასახლეში 11:00 საათიდან დაიწყო და ამ დრომდე გრძელდება.

ამ დროისთვის "ქართულ ქარტიას" ხელი უკვე მოაწერეს "ერთიანი ნაციონალური მოძრაობის", "ლელოს", "სტრატეგია აღმაშენებლის", "ახალის", "გირჩი - მეტი თავისუფლების", "დროას", "მოქალაქეების", "რესპუბლიკური პარტიის", "ევროპული საქართველოს" წარმომადგენლებმა.

შეგახსენებთ, 26 მაისს საქართველოს პრეზიდენტმა, სალომე ზურაბიშვილმა პოლიტიკურ პარტიებს "ქართული ქარტია" შესთავაზა.