ვინმე თუ ეცდება დროებითი საზღვრების დახაზვას, ეს იქნება მხოლოდ პაუზა ახალ ომამდე, ჩვენ არ გვაქვს დამარცხების უფლება, - ამის შესახებ უკრაინის პრეზიდენტმა, ვოლოდიმირ ზელენსკიმ საფრანგეთის პარლამენტის ქვედა პალატაში სიტყვით გამოსვლისას განაცხადა.

როგორც უკრაინის პრეზიდენტი აღნიშნავს, რუსეთ-უკრაინის ომი ევროპის ბედს განსაზღვრავს.

„მოგებულმა ბრძოლებმა კაცობრიობას დაუბრუნა ევროპა. იმ მოგებული ბრძოლების გარეშე არ იქნებოდა არც უკრაინა, საფრანგეთი და თავისუფალი ერები, ის ევროპა, რომელიც მეორე მსოფლიო ომის შემდეგ იცის ყველამ, მუდმივად ასეთი“, - განაცხადა ზელენსკიმ.