მსოფლიოში სუვერენიტეტის გასაძლიერებლად ნამდვილი ბრძოლა დაიწყო, - ამის შესახებ რუსეთის პრეზიდენტმა, ვლადიმერ პუტინმა სანქტ-პეტერბურგის საერთაშორისო ეკონომიკურ ფორუმზე  სიტყვით გამოსვლისას განაცხადა.

ეკონომიკურ ფორუმზე გამოსვლისას, ვლადიმერ პუტინმა სამი საკვანძო მიმართულება ჩამოთვალა, რისთვისაც ეს ბრძოლა მიმდინარეობს.

„ეკონომიკური თვალსაზრისით შევხედოთ პროცესს, რომელიც თანამედროვე მსოფლიოში დინამიურად ვითარდება. ჩვენ ვხედავთ, რომ ქვეყნებს შორის სუვერენიტეტის გასაძლიერებლად ნამდვილი ბრძოლა დაიწყო, სამი საკვანძო მიმართულებით - სახელმწიფოებრივი, ღირებულებით-კულტურული და ეკონომიკური. ამავე დროს ქვეყნები, რომლებიც ცოტა ხნის წინ, გლობალური განვითარების ლიდერებად გამოდიოდნენ, ყველა ძალღონით, სიმართლით თუ სიცრუით ცდილობენ, შეინარჩუნონ ჰეგემონიის როლი“, - განაცხადა პუტინმა.