საფრანგეთის დედაქალაქ პარიზში ამერიკის შეერთებული შტატების პრეზიდენტის, ჯო ბაიდენისა და უკრაინის პრეზიდენტის, ვოლოდიმირ ზელენსკის შეხვედრა გაიმართა.

ბაიდენმა ზელენსკის სამხედრო დახმარების ახალი პაკეტის გადაცემის შეფერხებისთვის ბოდიში მოუხადა.

ამასთან, აშშ-ს პრეზიდენტმა უკრაინის დახმარების ახალი, 225 მილიონი დოლარის მოცულობის პაკეტი დააანონსა.

„ბოდიშს ვიხდი იმ კვირების გამო, როცა არ ვიცოდი, რა მოხდებოდა დაფინანსების კუთხით, რადგან კონსერვატიულმა წევრებმა პრობლემა შეგვექმნეს კანონპროექტის მიღებისას, მაგრამ ჩვენ ეს შევძელით“, - განაცხადა ჯო ბაიდენმა.