გიორგი გახარია არაფერს არ წარმოადგენს, არც „ლელო“. რასაც ეტყვიან, როგორც უბრძანებენ და დაავალებენ, იმას გააკეთებენ,- ამის შესახებ დედაქალაქის მერმა, კახა კალაძემ განაცხადა.

კალაძის თქმით, აღნიშნულმა ორმა პოლიტიკურმა ძალამ „ყველაფერს გადააბიჯა".

„გახარია და „ლელო“ რა დაპირისპირებაში იყვნენ ერთმანეთთან და რა სიტყვებით მიმართავდნენ ერთმანეთს, ეს საზოგადოებას კარგად ახსოვს, მაგრამ ყველაფერს გადააბიჯეს, რადგან ეუბნებიან, რომ მათ ასე უნდა გააკეთონ, ერთ პლატფორმაზე უნდა გაერთიანდნენ და ა.შ.“,- ამბობს კალაძე.