ძლიერი წვიმის შედეგად, რუსთავში რამდენიმე ქუჩა დაიტბორა.

რუსთავის მერიაში აცხადებენ, რომ ძლიერი წვიმის დროს ქალაქის რამდენიმე ადგილზე წყლის დაგროვება უხვმა ნალექმა გამოიწვია, რომელსაც წინ უძღოდა ძლიერი ქარი.

„ამ წუთებში მერიის ყველა შესაბამისი სამსახური მუშაობს და ცენტრალური ქუჩები წყლისგან უკვე გაწმენდილია“, - საზოგადოებრივი მაუწყებლის ცნობით, ამის შესახებ რუსთავის მერიაში განაცხადეს.