ჩინეთის პრეზიდენტი სი ძინპინი ოფიციალური ვიზიტით ყაზახეთში ჩავიდა. ამის შესახებ ინფორმაციას ადგილობრივი მედია ავრცელებს.

ასტანის აეროპორტში ჩინეთის ლიდერს ყაზახეთის პრეზიდენტი ყასიმ-ჟომართ თოყაევი დახვდა.

ვიზიტის ფარგლებში სი ძინპინი მოლაპარაკებებს გამართავს ყაზახ კოლეგასთან, საუბრის მთავარი თემები იქნება ორმხრივი ურთიერთობები, ძირითად სფეროებში თანამშრომლობა და რეგიონული და საერთაშორისო საკითხები.

ამასთან, სი ძინპინი „შანხაის თანამშრომლობის ორგანიზაციის“ სახელმწიფოთა მეთაურთა საბჭოს 24-ე სხდომას დაესწრება.