Reuters - ნატოს წევრები უკრაინისთვის 40 მილიარდი ევროს ოდენობით სამხედრო დახმარების გამოყოფის საკითხზე შეთანხმდნენ, - ამის შესახებ ინფორმაციას სააგენტო Reuters-ი დიპლომატიურ წყაროზე დაყრდნობით ავრცელებს.

როგორც სააგენტო წერს, ნატოს წევრი სახელმწიფოების ლიდერები შეთანხმებას ხელს 9-11 ივლისს ვაშინგტონში გასამართ ალიანსის სამიტზე მოაწერენ.

შეთანხმებაში აღნიშნულია, რომ წევრი ქვეყნები ამ ვალდებულებას პროპორციული ძალისხმევით გაინაწილებენ.