უკრაინას რუსეთის დამარცხება შეუძლია, თუმცა ამისათვის მეტი იარაღი სჭირდება, - ამის შესახებ უკრაინის თავდაცვის მინისტრმა, რუსტემ უმეროვმა განაცხადა.

როგორც უმეროვი აღნიშნავს, უკრაინისთვის იარაღის გადაცემა და შემდეგ მისი რუსეთის ტერიტორიაზე გამოყენების გამო წარმოქმნილი ყოყმანი დროის კარგვაა.

„ჩვენ გამარჯვება შეგვიძლია. გვაქვს გეგმა. ჩვენ საჯაროდ ვამბობთ, რომ მეტი იარაღი გვჭირდება. ხოლო იარაღის გადაცემის და შემდეგ მისი რუსეთის ტერიტორიაზე გამოყენების გამო წარმოქმნილი ყოყმანი დროის დაკარგვაა, როცა დროს ამ შემთხვევაში გადამწყვეტი მნიშვნელობა აქვს. მაგრამ ჩვენ გამარჯვება შეგვიძლია“, - განაცხადა უმეროვმა.