შემდეგ სამშვიდობო სამიტზე რუსეთი უნდა იყოს წარმოდგენილი, - ამის შესახებ უკრაინის პრეზიდენტმა, ვოლოდიმირ ზელენსკიმ კიევში გამართულ პრესკონფერენციაზე განაცხადა.

ზელენსკის თქმით, მორიგი სამშვიდობო სამიტის გეგმა ნოემბრისთვის უნდა იყოს მზად და ამ მიზნით დაგეგმილია სამი შეხვედრის გამართვა, რომელიც უკრაინული „სამშვიდობო ფორმულის“ პუნქტების განხილვას მიეძღვნება.

„აღნიშნული სამი პუნქტის განხილვის შემდეგ, თუ ეს იმუშავებს, მშვიდობის ფორმულის ყველა პუნქტის რეალიზაციის გეგმა მზად იქნება“, - განაცხადა ზელენსკიმ.