ნატო საერთაშორისო და არასამთავრობო ორგანიზაციებისთვის მრავალმხრივ სამეკავშირეო ოფისს ჟენევაში ხსნის. აღნიშნული გადაწყვეტილება შვეციარიის მთავრობამ ოფიციალურად დაამტკიცა.

მხარეებმა შვეიცარიის ქალაქ ბერნში 15 ივლისს ხელი მოაწერეს ხელშეკრულებას, რომელიც მოკავშირე ოფისის იურიდიულ სტატუსს არეგულირებს.

ნიუ-იორკისა და ვენის შემდეგ, ჩრდილოატლანტიკური ალიანსი ცდილობს, გააძლიეროს კავშირები საერთაშორისო ორგანიზაციებთან ჟენევაშიც.

შეგახსენებთ, შვეიცარიამ ნატოს ოფიციალური მოთხოვნა სამეკავშირეო ოფისის გახსნის შესახებ 2023 წლის ბოლოს მიიღო.