15 ივლისიდან 93 ქვეყნის, მათ შორის საქართველოს მოქალაქეებს ტაილანდში უვიზოდ 60 დღის განმავლობაში გაჩერება შეუძლიათ. ამის შესახებ ინფორმაციას უცხოური მედია ავრცელებს. 

მედიის ცნობით, ტაილანდის ხელისუფლებამ სავიზო პოლიტიკაში ცვლილებების შესახებ მიმდინარე წლის მაისში განაცხადა. 

ქვეყნის შინაგან საქმეთა სამინისტროს სპიკერმა, ტრაისული ტრაისორანაკულმა თქვა, რომ სამინისტომ გამოაქვეყნა ქვეყნის სავიზო პოლიტიკის 4 განახლება, რომელიც მიმართულია მეტი უცხოელი ვიზიტორის მოსაზიდად, მეტი შემოსავლის გამოსამუშავებლად, რაც ეროვნულ ეკონომიკას გაზრდის.